Ֆինները մեզ չզարմացրեցին. Գևորգ Ղազարյան
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Գևորգ Ղազարյանին ոչինչով չեն զարմացրել Ֆինլանդիայի հավաքականի ֆուտբոլիստները:
«Մեզ միայն հաղթանակ էր պետք այս խաղում և երկրորդական էր, թե ինչպես կհաղթեինք: Պարտվել ենք, ինչը նշանակում է ոչինչ չստացվեց: Ինձ համար նորմալ էր ենթահարձակվող դիրքում խաղալը, քանի որ ակումբում այդ դիրքում է գործում»,-«Արմենպրես»-ի հաղորդմամբ՝ լրագրողների հետ զրույցում ասաց Ղազարյանը:
Խոսելով հարձակման գծում առկա խնդիրներից, կիսապաշտպանը փաստեց, որ խաղակցվածության պակաս կար Նորբերտո Բրիասկո-Բալեկյանի հետ: «Ֆինները մեզ չզարմացրին, կազմակերպված էին պաշտպանությունում և օգտագործեցին հարձակման հնարավորությունները»,-եզրափակեց ֆուտբոլիստը:
Եվրոպայի 2020 թվականի առաջնության ընտրական փուլի J խմբի երկրորդ խաղում Հայաստանի հավաքականը Երևանում ընդունելով Ֆինլանդիային պարտվեց 0:2 հաշվով:
Բաժանորդագրվեք մեր ալիքին Telegram-ում