ԵՄ-ն ցանկանում ակտիվ դեր խաղալ «Մետաքսի ճանապարհ» նախագծում. Մերկել
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Գերմանիայի կանցլեր Անգելա Մերկելը հայտարարել Է, որ «Մետաքսի ճանապարհ» նախագիծը շատ կարեւոր Է, եւ եվրոպացիները ցանկանում են ակտիվ դեր խաղալ դրանում, տեղեկացնում Է «Արմենպրես»-ը:
«Կարծում եմ, որ «Մետաքսի ճանապարհ» նախագիծը շատ կարեւոր Է: Մենք` եվրոպացիներս, ցանկանում ենք մասնակցել եւ ակտիվ դեր խաղալ այդ նախագծում: Դա պետք Է տանի որոշակի փոխադարձության»,-հայտարարել Է Մերկելը՝ ամփոփելով Ֆրանսիայի նախագահ Էմանուել Մակրոնի, ՉԺՀ-ի նախագահ Սի Ցզինպինի եւ Եվրահանձնաժողովի ղեկավար Ժան Կլոդ Յունկերի հետ ԵՄ-Չինաստան գագաթնաժողովի նախաշեմին կայացած հանդիպման արդյունքները, որն ապրիլի 9-ին տեղի կունենա Բրյուսելում:
«Նախագիծը՝ որպես այդպիսին, ակնառու կերպով ցուցադրում Է մեր փոխկախվածությունը եւ մեր փոխադարձ կապը»,-հավելել Է կանցլերը: Հեռարձակումն իրականացվել Է Եվրահանձնաժողովի կայքում:
«Մեկ գոտի՝ մեկ ճանապարհ» հայեցակարգը Չինաստանի միջազգային նախաձեռնությունն Է գոյություն ունեցող առեւտրափոխադրական միջանցքների կատարելագործման եւ նորերի ստեղծման վերաբերյալ, որոնք կապում են Կենտրոնական Ասիայի, Եվրոպայի եւ Աֆրիկայի 60-ից ավելի երկրների, ինչը կոչված Է նպաստելու նրանց եւ Չինաստանի միջեւ առեւտրական հարաբերությունների զարգացմանը: «Մետաքսի ճանապարհի տնտեսական գոտու» ձեւավորման գաղափարն առաջադրվել Է Սի Ցզինպինի կողմից եւ առաջին անգամ հրապարակվել Է 2013 թվականի սեպտեմբերին Ղազախստան պետական այցի շրջանակում Աստանայում նրա ունեցած ելույթի ժամանակ, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում