Դեսպան Արմեն Ղևոնդյանը հանդիպում է ունեցել ԲԵԼՏԱ գործակալության գլխավոր տնօրենի հետ
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Բելառուսում Հայաստանի դեսպան Արմեն Ղևոնդյանը հանդիպել է ԲԵԼՏԱ բելառուսական պետական լրատվական գործակալության գլխավոր տնօրեն Իրինա Ակուլովիչի (Ірына Акуловіч) հետ։
Ինչպես «Արմենպրես»-ին հայտնեցին ՀՀ ԱԳՆ լրատվության և հանրային դիվանագիտության վարչությունից, հանդիպմանը կարևորվել է հայ-բելառուսական միջպետական հարաբերությունների զարգացման ընթացքի տեղեկատվական ապահովման, երկու երկրների լրատվական կառույցների միջև, այդ թվում նաև՝ «Արմենպրես» և «ԲԵԼՏԱ» գործակալությունների միջև 2017թ․ ստորագրված հուշագրի ներքո տեղեկատվության և նյութերի փոխանակման շարունակականությունը։
Քննարկվել են նախատեսված մի շարք ծրագրերի և նախագծերի իրականացման հեռանկարները։ Պայմանավորվածություն է ձեռք բերվել դեսպանություն-գործակալություն փոխգործակցության շրջանակներում անցկացվելիք միջոցառումների մասին իրազեկման վերաբերյալ։
Բաժանորդագրվեք մեր ալիքին Telegram-ում