Տիգրան Ուրիխանյանը բուհերում ուսման վարձն ամսական կտրվածքով վճարելու նախագծում կատարել է որոշակի փոփոխություն
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Բուհերի ուսանողներն ուսման վարձը կվճարեն ուսումնական ամիսների ընթացքում ամսական կտրվածքով: «Արմենպրես»-ի հաղորդմամբ` «ՀՀ կրթության մասին» օրենքում փոփոխություններ կատարելու մասին նախագծում առաջին ընթերցումից հետո կատարված փոփոխությունն ԱԺ-ում նախագծի երկրորդ ընթերցմանը ներկայացրեց հեղինակ, «Բարգավաճ Հայաստան» խմբակցության պատգամավոր Տիգրան Ուրիխանյանը:
«Ակադեմիական և ուսումնական տարին միմյանցից տարբերվում են երկու, երբեմն երեք ամսվա տարբերությամբ:Լ Ուստի ձևակերպումը տրվել է հետևյալ կերպ` ուսման վարձը կարող են վճարել ըստ ուսումնական տարվա ամիսների»,-ասաց Ուրիխանյանն ու հավելեց` ըստ էության մեծ փոփոխություն չի արվել:
Նա նշեց, որ ուսանողները մեկ ուսումնական տարվա վարձը կարող են բաժանել ուսումնական ամիսների վրա և վճարել նվազագույնն այս չափով գումար:
Ուրիխանյանը տեղեկացրեց, որ հիմա քննարկում են հաշմանդամություն ունեցող անձանց ուսման վարձից ազատելու օրենքի նախագծի մշակման ուղղությամբ` ընդամենը մեկ կիսամյակում բարձր առաջադիմություն ցուցաբերելու համար:
Բաժանորդագրվեք մեր ալիքին Telegram-ում