Վալերիյ Օսիպյանը պարգևատրել է ոստիկանության տարբեր ստորաբաժաանումների մի խումբ ծառայողների
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Ոստիկանությունում մարտի 25-ին տեղի է ունեցել պարգևատրման հանդիսավոր արարողություն: Ինչպես «Արմենպրես»-ին հայտնեցին ՀՀ ոստիկանության լրատվության և հասարակայնության հետ կապերի վարչությունից, պարգևատրման արարողությանը ներկա են գտնվել ՀՀ ոստիկանության ղեկավարությունը, կոլեգիայի անդամներ, կենտրոնական ապարատի ղեկավար կազմն ու ծառայությունների պատասխանատուներ:
Առանձնապես ծանր հանցագործություններ բացահայտելու, հետախուզվողների հայտնաբերման, ինչպես և բարեխիղճ ծառայության համար ոստիկանության տարբեր ստորաբաժանումների մի խումբ ծառայողներ պարգևատրվել են մեդալներով, կրծքանշաններով, պատվոգրերով և դրամական խրախուսանքներով:
ՀՀ ոստիկանության պետ Վալերիյ Օսիպյանը շնորհավորելով պարգևատրվածներին՝ կարևորել է նրանց անձնվեր ծառայությունն ու հանցավորության դեմ պայքարում մաղթեց նորանոր հաջողություններ: Նա հույս է հայտնել, որ խրախուսանքները կոգևորեն նրանց ավելի սրտացավ ծառայելու համար:
Բաժանորդագրվեք մեր ալիքին Telegram-ում