Հորդանանի թագավոր Աբդալա 2-րդը հետաձգել է այցը Ռումինիա ի նշան բողոքի
ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: Հորդանանի թագավոր Աբդալա 2-րդը, որպես բողոքի նշան, հետաձգել է իր այցը Ռումինիա: Վերջինս հայտարարել է Երուսաղեմը Իսրայելի մայրաքաղաք ճանաչելու մտադրության մասին: «Արմենպրես»-ի հաղորդմամբ «Ինտերֆաքս»-ը տեղեկացնում է, որ թագավորական պալատը մարտի 25-ին տեղեկացրել է որոշման մասին և նշել, որ այն կայացվել է ի նշան Երուսաղեմի հետ ունեցած համերաշխության:
Նախօրեին Ռումինիայի վարչապետ Վիորիկա Դանչիլեն Վաշինգտոնում հայտարարել էր, որ իր երկիրը դեսպանատունը տեղափոխում է Երուսաղեմ:
Երուսաղեմը որպես Իսրայելի մայրաքաղաք առաջինը ճանաչելու և դեսպանատունն այնտեղ տեղափոխելու մասին հայտարարել էր Դոնալդ Թրամփը 2017 թվականի դեկտեմբերին: ԱՄՆ-ին հաջորդել է Ավստրալիան, Բրազիլիան, Գվատեմալան, Հոնդուրասը և Չեխիան:
Բաժանորդագրվեք մեր ալիքին Telegram-ում