Դատարանը մերժել է Քոչարյանին առաջադրված մեղադրանքը հստակեցնելու` ՀՔԾ մերժման որոշման դեմ ներկայացված բողոքը
18:30, 25 Մարտ 2019
ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ Երևան քաղաքի ընդհանուր իրավասության դատարանը՝ նախագահությամբ Արման Հովհաննիսյանի, մարտի 25-ին մերժել է ՀՀ երկրորդ նախագահ Ռոբերտ Քոչարյանի պաշտպանական խմբի կողմից ներկայացված բողոքը: «Արմենպրես»-ի հաղորդմամբ, այս մասին տեղեկացնում է Ռոբերտ Քոչարյանի պաշտպանական խումբը:
Ռոբերտ Քոչարյանի պաշտպանական խումբը միջնորդություն էր ներկայացրել Հատուկ քննչական ծառայություն՝ Ռոբերտ Քոչարյանին առաջադրված մեղադրանքը հստակեցնելու վերաբերյալ, ինչը, սակայն, ՀՔԾ-ի կողմից մերժվել էր: Հիշյալ որոշումը պաշտպանական խումբը բողոքարկել էր դատարան:
Մերժման վերաբերյալ դատարանի որոշումը պաշտպանական խմբին դեռ չի տրամադրվել:
Բաժանորդագրվեք մեր ալիքին Telegram-ում