Ժամանակը Երևանում՝ 11:07:36,   24 Ապրիլ

Սամվել Տեր-Սահակյանը մեկ միավորով ետ է Եվրոպայի առաջնության առաջատարից  


ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: Եվրոպայի շախմատի անհատական առաջնությունում կայացել են 6-րդ տուրի պարտիաները:

«Արմենպրես»-ի հաղորդմամբ` Հայաստանի ներկայացուցիչներից հաղթանակներ տարան Շանթ Սարգսյանը, Արման Փաշիկյանը, Սամվել Տեր-Սահակյանը, Հայկ Մարտիրոսյանը և Մանուէլ Պետրոսյանը: Մրցակիցների հետ միավորները կիսեցին Հրանտ Մելքումյանը, Ռոբերտ Հովհաննիսյանը և Սերգեյ Մովսիսյանը:

Սամվել Տեր-Սահակյանն ունի 4,5 միավոր և առաջատարից ետ է մեկ միավորով:

Եվրոպայի անհատական առաջնությունն ուժեղ կազմ է հավաքել: Հայաստանը կարևորագույն այս ստուգատեսում ներկայացված է 8 շախմատիստով: Մրցաշարում խաղում են գրոսմայստերներ Սերգեյ Մովսեսյանը, Հրանտ Մելքումյանը, Ռոբերտ Հովհաննիսյանը, Արման Փաշիկյանը, Հայկ Մարտիրոսյանը, Սամվել Տեր-Սահակյանը, Մանուէլ Պետրոսյանը և միջազգային վարպետ Շանթ Սարգսյանը: Առաջնությանը մասնակցում են 357 բարձրակարգ շախմատիստներ, որոնցից 142-ը կրում են գրոսմայստերի տիտղոս:

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ