Ժամանակը Երևանում՝ 11:07:36,   24 Ապրիլ

Արմավիրի մարզում հիմնվել է նոր այգի. ամփոփվել են շաբաթօրյակի արդյունքները


ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: ՀՀ տարածքային կառավարման և զարգացման նախարարությունն ամփոփել է  մարտի 23-ին կայացած համապետական շաբաթօրյակի արդյունքները:

Ըստ ՀՀ մարզերից ստացված տեղեկատվության՝ ընդհանուր առմամբ ՀՀ մարզերում շաբաթօրյակին մասնակցել են հանրապետական գործադիր մարմինների տարածքային ծառայությունների, մարզային ու համայնքային ենթակայության հիմնարկների, մասնավոր ընկերությունների աշխատակիցներ, քաղացաքացիական հասարակության կազմակերպությունններ, դպրոցականներ, ուսանողներ և բազմաթիվ կամավորներ։ Շաբաթօրյակին ներգրավվել է 1920 միավոր տեխնիկա ,և կիրառվել են  մաքրման տարբեր տեսակի շուրջ 55 300 գործիքներ։

Ինչպես «Արմենպրես»-ին տեղեկացրին ՀՀ տարածքային կառավարման և զարգացման նախարարության հասարակայնության հետ կապերի բաժնից,  աղբից մաքրվել են փողոցներն ու բակերը, միջպետական, հանրապետական, մարզային ու համայնքային նշանակության ճանապարհներն ու ճանապարհամերձ , անտառամերձ տարածքները, այգիները, պուրակները, պատմամշակութային հուշարձանների տարածքները։ Լվացվել են բազմաթիվ հուշարձաններ։ Հեռացվել են չշահագործվող ավտոմեքենաների թափքերը և  տարածքները մաքրվել են։  Կատարվել են ծառատնկման աշխատանքներ, ընդ որում՝ ՀՀ Արմավիրի մարզում հիմնվել է նոր այգի՝ 1000-ից ավելի  ծառատունկ է կատարվել։

Դրա հետ մեկտեղ, ՀՀ մարզերում մաքրվել է 473 աղբակույտ, փակվել (հողածածկվել) է 36 աղբանոց։




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ