Երևանի քաղաքապետն ընդգծում է շինհրապարակների շրջակա տարածքների մաքրության համար կառուցապատողների պատասխանատվությունը
ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Երևանի քաղաքապետարանը բազմից տուգանք և տույժ է նշանակել կառուցապատողներին` շինհրապարակների նորմատիվներին չհամապատասխանող աշխատանքների համար: Ինչպես տեղեկացնում է «Արմենպրես»-ը, լրագրողների հետ զրույցում այս մասին ասաց Երևանի քաղաքապետ Հայկ Մարությանը` նշելով, որ բազմիցս տուգանքներ և տույժեր են նշանակվել նման երևույթների դեմ պայքարելու համար:
«Երևանի բոլոր շինհրապարակները պետք է կահավորված լինեն նորմատիվներին համապատասխան: Կահավորման մեջ նաև մտնում է մաքրությունը, կազմակերպողները պատասխանատու են հարակից տարածքների մաքրության համար: Մենք տույժեր, տուգանքներ են նշանակում այդ կազմակերպություններին: Սա ևս մեկ անգամ նշան է, որ մեր կառուցապատողները պատասխանատու են իրենց շրջակա տարածքների մաքրության համար»,- ընդգծեց Մարությանը:
Նրա խոսքով` քաղաքապետարանը ունի շատ սահմանափակ քանակով աշխատակիցներ և իրենք ուղղակի ի զորու չեն 24 ժամ շրջել քաղաքով և ֆիքսել ու արձանագրել բոլոր խախտումները:
«Կա հասարակ մոտեցում` սա մեր քաղաքն է , այստեղ ապրում են մարդիկ, հետո ինչ, որ շինարարություն է իրականցվում: Կառուցապատողը պետք է հասկանա, որ նաև իրենից է կախված քաղաքի մաքրությունը»,- եզրափակեց Մարությանը:
Բաժանորդագրվեք մեր ալիքին Telegram-ում