Ժամանակը Երևանում՝ 11:07:36,   26 Ապրիլ

Չինաստանի քիմիական գործարանում պայթյունի պահը հայտնվել է տեսանյութում


ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: Ցանցում հայտնվել Է Չինաստանի արեւելքում գտնվող «Ցզյանսու Տյանցզյայ» քիմիական գործարանում պայթյունի պահի տեսանյութը, տեղեկացնում Է «Արմենպրես»-ը:

Կադրերում երեւում Է հրդեհը, այնուհետեւ տեղի Է ունենում հզոր պայթյուն, ինչից հետո կրակն ու ծխի քուլաներն ակնթարթորեն տարածվում են շրջակայքում:

Պայթյունը տեղի Է ունեցել մարտի 21-ի ցերեկը: Միջադեպի հետեւանքով զոհվել Է 47 մարդ, եւս 32 տուժածներ գտնվում են օրհասական, իսկ 58 հոգի՝ ծանր վիճակում:

Ընդամենը տեղի հիվանդանոցներ Է տեղափոխվել շուրջ 640 մարդ: Գործարանում հրդեհն արդեն մարված Է, բայց փրկարարական գործողությունը շարունակվում Է:

Վտանգավոր գոտուց տարհանվել են հազարից ավելի տեղի բնակիչներ եւ ձեռնարկությունների 3 հազար աշխատակիցներ: Մանկապարտեզներն ու դպրոցները փակ են: Արտակարգ պատահարն այս տարի ամենախոշորն Է դարձել Չինաստանում, հաղորդել Է ՌԻԱ Նովոստին:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ