Ժամանակը Երևանում՝ 11:07:36,   23 Ապրիլ

Գործադիրը բացասական եզրակացություն տվեց անշարժ գույքի հարկի արտոնության վերաբերյալ ԲՀԿ պատգամավորների առաջարկին


ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Կառավարությունը բացասական եզրակացություն տվեց «Բարգավաճ Հայաստան» խմբակցության պատգամավորների օրենսդրական նախաձեռնությանը: Դրանով առաջարկվում է անշարժ գույքի հարկի արտոնություն տալ այն գյուղացիներին, որոնց գյուղատնտեսական նշանակության հողերը, տնամերձ ու այգեգործական հողամասերը բնակլիմայական աղետների հետևանքով (կարկուտ, երաշտ, ցրտահարություն և այլն) առնվազն 50 % վնասվել են:

Ֆինանսների նախարար Ատոմ Ջանջուղազյանը նշեց, որ առաջարկում է գործող օրենքի հոդվածը թողնել անփոփոխ:

«Այս գործիքը նշանակալի չէ գործնականում այն վնասների համեմատ, որոնք կարող է ունենալ գյուղացին աղետների ժամանակ: Այն կարող է առաջացնել վարչարարության խնդիրներ: Բացի այդ, գույքային հարկերի տրամաբանությունն է խաթարվում: Հատկապես խնդրահարույց է տնամերձերի հարցը, թե ով պետք է գնահատի, ինչ չափով ու ընդհանրապես, ինչու դա պետք է փոխհատուցվի»,- «Արմենպրես»-ի հաղորդմամբ, ասաց Ջանջուղազյանը՝ հավելելով, որ նախորդ տարիներին պետության կողմից աղետների պատճառով գյուղացիներին փոխհատուցման գումարներն ավելի մեծ են եղել, քան գույքահարկից ազատումներից ստացվող միջոցները

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ