ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Թբիլիսիի «Էքսպո Ջորջիա» ցուցահանդեսային համալիրում մարտի 21-ին անցկացվում Է «Արտադրված Է Բելառուսում» (made in Belarus) բելառուսական արտադրանքի ցուցահանդեսը, տեղեկացնում Է «Արմենպրես»-ը՝ հղում անելով «Գրուզիա Online»-ին: Ինչպես հայտնել Է Վրաստանի Հանրային հեռուստատեսությունը, ցուցահանդեսը, որը կազմակերպել են Վրաստանի եւ Բելառուսի Առեւտրաարդյունաբերական պալատները, բացել են Վրաստանի վարչապետ Մամուկա Բախտաձեն եւ Բելառուսի փոխվարչապետ Միխայիլ Ռուսիյը: Միջոցառման շրջանակներում իրենց արտադրանքն ու ծառայություններն են ներկայացրել 70-ից ավելի բելառուսական ընկերություններ, որոնց մի մասն արդեն ներկա Է վրացական շուկայում:

Ցուցահանդեսում ներկայացված ընկերությունների գործունեության ոլորտներն են՝ նավթաքիմիական արդյունաբերությունը, դեղագործական արտադրանքը եւ բժշկական ծառայությունները, շինարարական նյութերը եւ ենթակառուցվածքը, գյուղատնտեսությունը եւ սննդամթերքը, ինչպես նաեւ սպասարկման ոլորտն ու կրթությունը: «Բելառուսից Վրաստան 15 ընկերությունների այցն ընդգծում Է, որ մեր տնտեսական կապերը շատ մեծ ներուժ ունեն»,-ցուցահանդեսի բացմանը հայտարարել Է Մամուկա Բախտաձեն: