Ժամանակը Երևանում՝ 11:07:36,   19 Ապրիլ

Դեսպան Աթաբեկյանը ելույթ է ունեցել Լիբանանի նախագահական պալատում կայացած Ֆրանկոֆոնիայի օրվա միջոցառմանը


ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Լիբանանի նախագահական պալատում մարտի 20-ին տեղի է ունեցել Ֆրանկոֆոնիայի միջազգային օրվան նվիրված հանդիսավոր միջոցառում, որին ելույթ են ունեցել Լիբանանի նախագահ Միշել Աունը (Michel Aoun) և ՀՀ դեսպան Վահագն Աթաբեկյանը: Այս մասին «Արմենպրես»-ին տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից։     

«Իր խոսքում Վահագն Աթաբեկյանը հակիրճ ներկայացրեց ՖՄԿ-ում Հայաստանի նախագահության երկու տարիների առաջնահերթություններն ու ծրագրերը:      

Անդրադառնալով Ֆրանկոֆոնիայի երևանյան գագաթաժողովի կարգախոսին, ՀՀ դեսպանը նշեց, որ «Ապրել միասին»-ը նաև Լիբանանի նշանաբանն է՝ բազմաշերտ ու բազմադավան համայնքային կառուցվածքով և կառավարման համակարգով: «Այդ կարգախոսը նաև խորհրդանշում է հավաքական ուղերձը աշխարհասփյուռ հայ ժողովրդի, որի զավակները՝ պահպանելով հավատարմությունն իրենց ազգային արմատներին և ինքնությանը, միաժամանակ հանդիսանում են իրենց հյուրընկալած երկրների օրինակելի քաղաքացիները, և Լիբանանն ու լիբանանահայությունը դրա վառ օրինակն են»,- ընդգծեց ՀՀ դեսպանը:

Միջոցառմանը ներկա էին Լիբանանի արտաքին գործերի նախարարը, կառավարության այլ անդամներ, ինչպես նաև Բեյրութում հավատարմագրված դեսպանները»:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ