Ժամանակը Երևանում՝ 11:07:36,   25 Ապրիլ

Քննչական կոմիտեի նախագահը գերազանց է գնահատել Շենգավիթի քննչական բաժնի  2018-ին կատարված աշխատանքները


ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: ՀՀ քննչական կոմիտեի նախագահ Հայկ Գրիգորյանն այցելել է Քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժին՝ ծանոթանալու բաժնի կողմից 2018 թվականին կատարված աշխատանքներին, և գերազանց է գնահատել դրանք։

Ինչպես «Արմենպրես»-ին տեղեկացրին ՀՀ քննչական կոմիտեի դեպարտամենտի տեղեկատվության և հասարակայնության  հետ կապերի բաժնից, Շենգավիթ վարչական շրջանի քննչական բաժնի պետ Սամսոն Մաթևոսյանը ՔԿ նախագահին զեկուցել է բաժնի կողմից նախորդ տարի կատարված աշխատանքները:

Հաշվետու ժամանակահատվածում ՀՀ ՔԿ ԵՔՔՎ Շենգավիթ վարչական շրջանի քննչական բաժնում քննվել է 1429 քրեական գործ, իսկ 2017 թվականին՝ 1056 գործ:

Քննված քրեական գործերից 558-ի կամ 39,04 %-ի նախաքննությունն ավարտվել է (2017թ.՝ 387 գործ), այսինքն՝ ավարտված քրեական գործերի տեսակարար կշիռն աճել է 44,18 %-ով կամ 171-ով:

Վարչական շրջանի քննչական բաժնի վարույթում քննվել է կոռուպցիոն հանցագործությունների վերաբերյալ 34 քրեական գործ (2017թ.՝ 19 գործ): Այդ գործերով որպես մեղադրյալ ներգրավվել է 21 անձ (2017թ.՝ 11 անձ):

Իրականացված մինչդատական վարույթի ընթացքում պարզվել է, որ ավարտված գործերով՝ հանցագործությամբ պետությանը պատճառված գույքային վնասը կազմել է 94.121.000 դրամ, որն ամբողջությամբ վերականգնվել է:

ՀՀ քննչական կոմիտեի նախագահ Հայկ Գրիգորյանը ոլորտ առ ոլորտ քննարկել է հարուցված քրեական գործերի ընթացքը, դրանք առավել արդյունավետ կազմակերպելու վերաբերյալ տվել կոնկրետ հանձնարարականներ:

Քննչական կոմիտեի նախագահն անդրադարձել է նաև քաղաքացիների ընդունելություններին՝ նշելով, որ հանդիպում խնդրող բոլոր քաղաքացիների համար պետք է կազմակերպվի պատշաճ ընդունելություն:

«Գերազանց եմ գնահատում բաժնի կողմից նախորդ տարի կատարված աշխատանքները: Սա ստորաբաժանման ղեկավարի, տեղակալների և քննիչների կողմից միահամուռ աշխատանքի արդյունքն է: 2019 թվականի ընթացքում պետք է նույն ինտեսիվությամբ աշխատեք: Մեր համակարգում կադրային փոփոխությունները պայմանավորված են լինելու աշխատանքի արդյունավետությամբ: Որևէ մեկի խնդրանքով առաջխաղացում չեք ունենալու, միայն ու միայն աշխատասիրությունն ու արձանագրած գերազանց արդյունքը կարող են ապահովել համակարգում ձեր առաջխաղացումը»,- ընդգծել է Հայկ Գրիգորյանը:

ՔԿ նախագահը Շենգավիթ վարչական շրջանի քննչական բաժնի պետին հանձնարարել է լավագույն քննիչներին ներկայացնել պարգևատրման:

 

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ