Ֆրանսիան եւ Իտալիան պատրաստ են արգելափակել Brexit-ի հետաձգումը. աղբյուր
12:31, 20 Մարտ 2019
ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: ԵՄ-ի հիմնադրմանը մասնակցած առնվազն երկու երկիր՝ Ֆրանսիան եւ Իտալիան, պատրաստ են հանրակցության մարտի 21-22-ի գագաթնաժողովում արգելափակել Եվրամիությունից Մեծ Բրիտանիայի դուրս գալու (Brexit) հետաձգումը, եթե երաշխիքներ չստանան, որ այդ հետաձգումը թույլ կտա ապահովել կազմակերպված դուրս գալը: Այդ մասին, ինչպես տեղեկացնում Է «Արմենպրես»-ը, ՏԱՍՍ-ին հայտարարել Է եվրոպական դիվանագիտական մի աղբյուր:
«Ֆրանսիան եւ Իտալիան պատրաստ են ԵՄ-ի գագաթնաժողովում արգելափակել Brexit-ի ժամկետի երկարացումը, եթե երաշխիքներ չստանան, որ այդ որոշումը թույլ կտա ապահովել Լոնդոնի կողմից ԵՄ-ի հետ համաձայնագրի ստորագրումը եւ կանոնակարգված դուրս գալը»,-նշել Է նա:
Բաժանորդագրվեք մեր ալիքին Telegram-ում