Մարտի 19-ին սպասվող իրադարձությունները
ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ մարտի 19-ին, Մատենադարանում կկայանա ՀՀ վարչապետ Նիկոլ Փաշինյանի ասուլիսը:
Երևանում կհանդիպեն հայ և հույն գործարարները: Հայ-հունական գործարար համաժողովում կքննարկվեն համագործակցության հեռանկարները: Ստորագրվելու է փոխըմբռնման հուշագիր Երևանի և Աթենքի առևտրաարդյունաբերական պալատների միջև:
ԱԺ-ում կանցկացվի գնման ընթացակարգերի կիրառման հնարավորություններին եւ ՀԲ վարկային ծրագրերի տեսանկյունից դրանց ներդաշնակեցման հեռանկարներին վերաբերող աշխատանքային քննարկում:
«ԵՄ ԹՈՒՄՈ ինժեներական և կիրառական գիտությունների համալիր» նախագիծը սկսում է իր աշխատանքները: Այն լինելու է հետազոտությունների, կրթության և ստարտափների հանգույց, որն իր շուրջ է հավաքելու տեղական և միջազգային գործընկերների:
Երևանի Նորայր Աճեմյանի անվան թիվ 2 պետական քոլեջի ներկայացուցիչները հանդես կգան մամուլի ասուլիսով։ Քոլեջում մարտի 14-ից հայտարարված է անժամկետ դասադուլ, մարտի 18-ից իրականացվում են բողոքի ակցիաներ: Նրանք կներկայացնեն իրենց քայլի պատճառները և հետագա անելիքները:
Աշխարհահռչակ երաժիշտ, թավջութակահար Նարեկ Հախնազարյանը մարտի 20-ին Երևանում հանդես կգա համերգով: Համերգից առաջ Նարեկ Հախնազարյանն ու դիրիժոր Էդուարդ Թոփչյանը կմասնակցեն հանրային քննարկման:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում