Ժամանակը Երևանում՝ 11:07:36,   22 Հունվար

Թուրքական վերնախավը ներկայացնող որևէ լուրջ քաղաքական ուժ Հայաստանի հետ հարաբերությունները կարգավորելու խնդիր չի դրել իր առջև. թուրքագետ

Թուրքական վերնախավը ներկայացնող որևէ լուրջ քաղաքական ուժ Հայաստանի հետ 
հարաբերությունները կարգավորելու խնդիր չի դրել իր առջև. թուրքագետ

ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: Թուրքագետ Ռուբեն Սաֆրաստյանի հավաստմամբ՝ թուրքական վերնախավը ներկայացնող որևէ լուրջ քաղաքական ուժ Հայաստանի հետ հարաբերությունները կարգավորելու խնդիր չի դրել իր առջև: «Արմենպրես»-ի հաղորդմամբ՝ լրագրողների հետ հանդիպմանը Սաֆրաստյանն ասաց, որ երբ 1991-ին Թուրքիան ճանաչեց ՀՀ-ի անկախությունը, զուտ աշխարհաքաղաքական հաշվարկ կատարեց: «Դրա էությունը հետևյալն էր՝ Հայաստանը չունի ելք դեպի ծով, շրջապատված է այն հարևաններով, որով շրջապատված է, ուստի պիտի շահագրգռված լինի Թուրքիայի հետ հարաբերությունները կարգավորելու հարցում»,-ասաց նա:

Թուրքագետի խոսքով՝ Թուրքիայի տարածաշրջանային քաղաքականության ոլորտում ակտիվացման և Հարավային Կովկասում նրա գործողությունների միջև կապ կա:

«Երբ Թուրքիան ակտիվանում է Մերձավոր Արևելքում, Հարավային Կովկասում նա վարում է ավելի թույլ քաղաքականություն: Այսինքն՝ երբ Մերձավոր Արևելքում Թուրքիան նոր քայլերի անհրաժեշտություն չի ունենում, արդեն մի քայլ անում է Հարավային Կովկասում»,-ասաց նա:

Անդրադառնալով Մինսկի խմբի հայտարարությունը` բանախոսը նշեց, որ Մինսկի խումբը միջնորդական խումբ է և վերջինիս տարածած  հայտարարությունը չունի և չի  կարող ճնշում գործադրելու նպատակ ունենալ: «Դա, իմ ընկալմամբ, ընդամենը փաստի արձանագրում է, այսինքն` իմի է բերվում այն, ինչ տեղի է ունեցել բանակցային գործընթացում մինչև այսօր»,-ընդգծեց Սաֆրաստյանը, հավելելով, որ իրականությունը հուշում է՝ այս հակամարտությունն ավելի շատ հակամարտություն է Ադրբեջանի և Արցախի միջև:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ