Սերբիան կարող Է ներել, բայց չի կարող մոռանալ ՆԱՏՕ-ի ագրեսիան. նախագահ Վուչիչ
ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: Սերբիայի նախագահ Ալեքսանդր Վուչիչը մարտի 18-ին բացել Է «Քսան տարի Հարավսլավիայի ռմբակոծումներից հետո - դասեր 21-րդ դարում եվրոպական անվտանգության համար» միջազգային խորհրդաժողովը: Այս մասին, ինչպես տեղեկացնում Է «Արմենպրես»-ը, հաղորդել Է ՏԱՍՍ-ն իրադարձությունների վայրից:
«Մենք կարող ենք ներել, բայց չենք կարող մոռանալ ՆԱՏՕ-ի ագրեսիան, մենք լավ հարաբերություններ ենք ցանկանում ՆԱՏՕ-ի հետ, բայց չենք ցանկանում անդամակցել ՆԱՏՕ-ին»,- հայտարարել Է Վուչիչը: Նրա խոսքով՝ 1999 թվականին Հարավսլավիայի նկատմամբ ագրեսիան շահավետ Էր շատ խաղորդների ինչպես ԱՄՆ-ի վարչակազմում, այնպես Էլ ՆԱՏՕ-ում: «Այժմ աշխարհը երկբեւեռից փոխվել Է բազմաբեւեռի, բայց Մարտին Լյութերն իրավացի Էր, երբ ասում Էր, թե բռնությունը կարող Է սոսկ կարճատեւ հաղթանակ բերել: Չեն անհետացել հակամարտության դարավոր հիմքերը, մենք այժմ ինչ-որ գետտո ունենք սերբերի համար եւ ալբանների համար: Վախ ունեմ, որ նման իրավիճակը կպահպանվի այնքան ժամանակ, քանի դեռ սերբերն ու ալբանները չեն հասկանա, որ պետք Է իրենք որոշեն իրենց ապագան»,- հայտարարել Է Վուչիչը:
Բաժանորդագրվեք մեր ալիքին Telegram-ում