Հայաստանը ներկայացնող 8 շախմատիստներ մեկնարկում են Եվրոպայի անհատական առաջնությունում
11:04, 18 Մարտ 2019
ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: Մակեդոնիայի մայրաքաղաք Սկոպյեում մեկնարկում է շախմատի Եվրոպայի տղամարդկանց անհատական առաջնությունը, որին Հայաստանը կներկայացնեն 8 շախմատիստներ:
«Արմենպրես»-ի հաղորդմամբ` եվրոպայի այս տարվա առաջնությունը հավաքել է ուժեղ կազմ: Հայաստանը կարևորագույն այս ստուգատեսում ներկայացված է 8 շախմատիստներով: Մրցաշարին կմասնակցեն գրոսմայստերներ Սերգեյ Մովսեսյանը, Հրանտ Մելքումյանը, Ռոբերտ Հովհաննիսյանը, Արման Փաշիկյանը, Հայկ Մարտիրոսյանը, Սամվել Տեր-Սահակյանը, Մանուէլ Պետրոսյանը և միջազգային վարպետ Շանթ Սարգսյանը:
Առաջնության մասնակցումմ են 357 շախմատիստներ, որոնցից 142 կրում են գրոսմայստերի տիտղոս:
Բաժանորդագրվեք մեր ալիքին Telegram-ում