Հայաստանի բժիշկների միությունը գումարել է անդրանիկ ժողովը
ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Կայացել է Հայաստանի բժիշկների միության անդրանիկ ժողովը, որին ներկա էին կառույցի հիմնադիրները, բժիշկներ և առողջապահության ոլորտի ներկայացուցիչներ։
Ինչպես «Արմենպրես»-ին տեղեկացրին Հայաստանի բժիշկների միության լրատվական ծառայությունից, ժողովի ընթացքում զեկուցողները ներկայացրել են միության նպատակը, խնդիրները, կառուցվածքը, ստեղծման անհրաժեշտությունը, բժիշկների պաշտպանվածության խնդիրները, առողջապահության ոլորտում առկա ֆինանսական խնդիրները, նմանօրինակ կառույցների գործունեության միջազգային փորձը և ինստիտուտների ստեղծման կարևորությունը:
Զեկույցներից հետո մասնակիցների միջև տեղի է ունեցել քննարկում։
Հայաստանի բժիշկների միության առաջին ընդհանուր համաժողովը նախատեսվում է անցկացնել այս տարվա հունիսին:
Բաժանորդագրվեք մեր ալիքին Telegram-ում