ԼՂ հակամարտության կարգավորման բանակցությունների ձևաչափն Արցախի ներգրավմամբ լիարժեք կդառնա. Տաթև Հայրապետյան
15:03, 16 Մարտ 2019
ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Հայաստանի Հանրապետությունը Լեռնային Ղարաբաղի հակամարտության կարգավորման բանակցային գործընթացի ձևաչափ Արցախի վերադարձով ոչ թե դրա փոփոխություն, այլ լիարժեք վերականգնում է առաջարկում:
«Արմենպրես»-ի փոխանցմամբ` այս մասին մարտի 16-ին հրավիրված մամուլի ասուլիսի ընթացքում ասաց Ազգային ժողովի «Իմ քայլը» խմբակցության պատգամավոր Տաթև Հայրապետյանը՝ անդրադառնալով Ադրբեջանի նախագահ Իլհամ Ալիևի այն հայտարարությանը, թե բանակցային ձևաչափի փոփոխությունն անընդունելի է:
«Մենք ֆորմատի փոփոխություն չենք առաջարկում: Մենք առաջարկում ենք լիարժեք ֆորմատի վերականգնում»,- ասաց Հայրապետյանը:
Բաժանորդագրվեք մեր ալիքին Telegram-ում