ՌԴ զինված ուժերի գլխավոր շտաբի պետը հանդիպում է ունեցել Արտակ Դավթյանի հետ
15:52, 14 Մարտ 2019
ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Ռուսաստանի զինված ուժերի գլխավոր շտաբի պետ, պաշտպանության նախարարի առաջին տեղակալ Վալերի Գերասիմովը հանդիպում է ունեցել ՀՀ զինված ուժերի գլխավոր շտաբի պետ Արտակ Դավթյանի հետ: Ինչպես հաղորդում է «Արմենպրես»-ը, այս մասին հայտնում է kp.ru-ն:
«Երախտապարտ ենք ձեզ Սիրիայում խաղաղության վերականգմանն աջակցելու համար: Հայաստանն առաջիններից մեկն էր, որ արձագանքեց մեր կոչին և ակտիվ մասնակցություն ունեցավ այդ երկրի տարածքում հումանիտար առաջադրանքների իրականացմանը»,- ասել է Վալերի Գերասիմովը:
Վալերի Գերասիմովը և Արտակ Դավթյանը քննարկել են միջազգային ահաբեկչության դեմ պայքարի պրակտիկ համագործակցության հարցեր:
Բաժանորդագրվեք մեր ալիքին Telegram-ում