Ոստիկանությունը Ազատության հրապարակից քաղաքացիների է բերման ենթարկել
ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Ոստիկանությունը բերման է ենթարկել Ազատության հրապարակի հարակից տարածքի սրճարանների ապամոնտաժման համար բողոքի ակցիա իրականացնող 16 քաղաքացու:
«Արմենպրես»-ի հետ զրույցում այս մասին ասացին Ոստիկանության լրատվամիջոցների հետ կապի, վերլուծության և լրատվության բաժնից:
«Այս պահի դրությամբ Ոստիկանության Կենտրոնական բաժին բերման է ենթարկվել 16 անձ»,- ասացին ոստիկանությունից:
Մարտի 13-ից Երևանի քաղաքապետարանը սկսել է սրճարանների ապամոնտաժման աշխատանքները։ Դեռ 2018-ի դեկտեմբերի 13-ին ծանուցումներ են ուղարկվել Օպերայի հարակից տարածքում վարձակալության իրավունքով գործունեություն ծավալող 5 տնտեսավարողի, որ, համաձայն պայմանագրի, 30-օրյա ժամկետում դադարելու է վարձակալության պայմանագրի գործողությունը։
Բաժանորդագրվեք մեր ալիքին Telegram-ում