Ժամանակը Երևանում՝ 11:07:36,   19 Մարտ

Շախմատի կանանց թիմի հաջորդ մրցակիցն աշխարհի առաջնությունում հայտնի է  


ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հայաստանի շախմատի կանանց ընտրանու հաջորդ մրցակիցն աշխարհի թիմային առաջնությունում հայտնի է:

«Արմենպրես»-ի հաղորդմամբ` Աստանայում ընթացող աշխարհի թիմային առաջնության 7-րդ տուրում Հայաստանի հավաքականի հակառակորդը Հունգարիայի հավաքականն է:

6 տուրից հետո մրցաշարային աղյուսակի առաջատարը Չինաստանն է: Նրան հաջորդում են Ռուսաստանի և Ուկրաինայի հավաքականները:

Աշխարհի թիմային առաջնության ավարտին մնացել է երկու տուր:

Աշխարհի կանանց և տղամարդկանց թիմային առաջնություններն անցկացվում են մարտի 4-15-ը Ղազախստանի մայրաքաղաք Աստանայում: Մրցաշարում ելույթ ունենալու հրավեր Հայաստանի թիմը ստացել է 2018 թվականին կայացած շախմատի համաշխարհային Օլիմպիադայում բարձր արդյունք գրանցելու շնորհիվ: Կանանց պայքարում հանդես են գալիս Հայաստանի, Ռուսաստանի, Չինաստանի, Ուկրաինայի, Վրաստանի, ԱՄՆ-ի, Հունգարիայի, Եգիպտոսի, Ղազախստանի եւ Հնդկաստանի թիմերը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ