Մարտի 12-ին սպասվող իրադարձությունները
ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ մարտի 12-ին, ՀՀ և Արցախի ղեկավարների մասնակցությամբ նախատեսվում է անցկացնել անվտանգության խորհրդի նիստ:
Ազգային ժողովում կկայանա ՀՀ ԱԺ տարածաշրջանային եւ եվրասիական ինտեգրման հարցերի մշտական հանձնաժողովին կից աշխատանքային խմբի անդրանիկ նիստը:
Սեւծովյան տնտեսական համագործակցության խորհրդարանական վեհաժողովում ՀՀ ԱԺ պատվիրակության անդամ Անուշ Բեղլոյանը լրագրողների հետ հանդիպմանը մանրամասներ կներկայացնի Ստամբուլում տեղի ունեցած ՍԾՏՀ ԽՎ աշխատաժողովի վերաբերյալ:
Հայաստանում ֆրանսիական համալսարանում կկայանա «ՆԱՏՕ-ի գործընկերությունները. Ֆրանսիայի տեսակետը» խորագրով կոնֆերանս: Զեկույցով հանդես կգա ՆԱՏՕ-ի գլխավոր քարտուղարի Կովկասի և Կենտրոնական Ասիայի հարցերով հատուկ ներկայացուցիչ Ջեյմս Ապատուրայը:
Երևանում հայ-բուլղարական միջկառավարական հանձնաժողովի նիստի շրջանակում կանցկացվի Հայաստան-Բուլղարիա գործարար համաժողովը: Համաժողովին ողջույնի խոսքով հանդես կգա ՀՀ տնտեսական զարգացման և ներդրումների նախարար Տիգրան Խաչատրյանը:
ԵԱՀԿ ՄԽ համանախագահների վերջին հայտարարությունը, Ադրբեջանում անցկացվող զորավարժությունները քաղաքագիտական դաշտի ուշադրության կենտրոնում են: Հրավիրված ասուլիսներում քաղաքագետները, փորձագետները կներկայացնեն իրենց դիտարկումները:
Երևանի թատրոնի և կինոյի պետական ինստիտուտը և Հայաստանի կինեմատոգրաֆիստների միությունը կստորագրեն համագործակցության հուշագիր:
Արամ Խաչատրյան համերգասրահում կկայանա Հայ կոմպոզիտորական արվեստի 10-րդ հոբելյանական փառատոնի փակման գալա-համերգը։ Համերգը կղեկավարի դիրիժոր Սերգեյ Սմբատյանը։
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում