Մարտի 7-ին սպասվող իրադարձությունները
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ մարտի 7-ին, կկայանա ՀՀ կառավարության նիստը: Օրակարգում երեք տասնյակից ավելի հարցեր են:
Ս.Ավդալբեկյանի անվան առողջապահության ազգային ինստիտուտում կանցկացվի հանրային դասախոսություն Հայաստանում հանրային առողջապահության մարտահրավերների վերաբերյալ: Քննարկումը կվարի ՀՀ առողջապահության նախարար Արսեն Թորոսյանը:
Շիրակի մարզի Ազատան համայնքում տեղի կունենա առաջին արևային ֆոտովոլտային կայանի կառուցման նախագծի բացման հանդիսավոր արարողությունը: Արևային կայանը կառուցվել է «Եվրասիա» ԲՀԿ և Հայաստանում Ճապոնիայի դեսպանության հետ համագործակցության շրջանակում: Կառուցման աշխատանքները սկսվել են 2018 թվականի հուլիսից:
Լրագրողների հետ կհանդիպեն միջազգային իրավունքի մասնագետ Արա Ղազարյանը, քաղաքագետ Անժելա Էլիբեգովան: Նրանք կանդրադառնան ՄԻԵԴ–ում Հայաստանի դեմ Ադրբեջանի հայցին, ինչպես նաև Ադրբեջանում ՀՀ քաղաքացի Կարեն Ղազարյանի դատապարտմանը:
Թումո ստեղծարար տեխնոլոգիաների կենտրոնում «Եվրոպական միությունը թվային օրակարգի համար» (EU4Digital) տարածաշրջանային նախաձեռնության պաշտոնական մեկնարկը: Այն ֆինանսավորվում է ԵՄ-ի կողմից :
Աշխարհահռչակ սաքսոֆոնահար Ֆեդերիկո Մոնդելչին, ակորդեոնահար Սիմոնե Զանկինը համերգային ծրագրով հանդես կգան Հայաստանում: Երաժիշտները հանդես կգան Հայաստանի պետական կամերային նվագախմբի հետ: Համերգը տեղի կունենա մարտի 9-ին և 13-ին: Մինչ այդ, այսօր հրավիրված ասուլիսում մանրամասներ կներկայացվեն համերգային ծրագրի մասին:
Գրողների միությունում տեղի կունենա Սպարապետ Վազգեն Սարգսյանի լուսանկարների ցուցահանդեսի բացումը: Մարտի 5-ին նա կդառնար 60 տարեկան: Հայաստանի Ազգային հերոսի ծննդյան 60-ամյակին նվիրված միջոցառում է նախատեսված նաև Հայ-ռուսական համալսարանում:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում