ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: Սպիտակ տունն ԱՄՆ-ի Կոնգրեսում Միացյալ Նահանգների նախագահ Դոնալդ Թրամփի դեմ դեմոկրատների նոր հետաքննությունն «ամոթալի» եւ «վիրավորական» Է որակել: Այդ մասին, ինչպես տեղեկացնում Է «Արմենպրես»-ը, ասված Է Սպիտակ տան մամուլի քարտուղար Սառա Սանդերսի հայտարարության մեջ:

Դեմոկրատները Կոնգրեսում ընդլայնում են հետաքննությունն ԱՄՆ-ի նախագահ Դոնալդ Թրամփի դեմ եւ ցանկանում են հարցաքննել 60-ից ավելի պաշտոնատար անձանց, ավելի վաղ հայտարարել Է Ներկայացուցիչների պալատի դատական գործերի կոմիտեի նախագահ Ջերոլդ Նադլերը:

Նա հիշեցրել Է, որ Թրամփն անկախ դատախազ Ռոբերտ Մյուլլերի հետաքննությունը 1000 անգամից ավելի «վհուկների որս» Է անվանել, պաշտոնից արձակել Է Հետաքննությունների դաշնային բյուրոյի տնօրեն Ջեյմս Քոմիին եւ «փորձել Է պաշտպանել» ազգային անվտանգության հարցերով նախկին խորհրդական Մայքլ Ֆլինին:

Այս ամենը Նադլերը համարում Է խոչընդոտում արդարադատությանը: Սանդերսի խոսքով՝ Նադլերը «ամոթալի եւ վիրավորական հետաքննություն Է» սկսել, հաղորդել Է ՌԻԱ Նովոստին: