Ժամանակը Երևանում՝ 11:07:36,   8 Ապրիլ

Էստոնիայի ազգային գրադարանում բացվել է Հայաստանի և Արցախի պատմությանն ու մշակույթին նվիրված գրքերի ցուցահանդես

Էստոնիայի ազգային գրադարանում բացվել է Հայաստանի և Արցախի պատմությանն ու 
մշակույթին նվիրված գրքերի ցուցահանդես

ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Էստոնիայի ազգային գրադարանում մարտի 1-ին  բացվել է հատուկ ցուցահանդես՝ նվիրված Հայաստանի և Արցախի պատմությանն ու մշակույթին։

Ինչպես «Արմենպրես»-ին հայտնեցին ՀՀ ԱԳՆ լրատվության և հանրային դիվանագիտության վարչությունից, ցուցահանդեսում ներկայացված գրքերը, որոնք նվիրաբերվել են Էստոնիայում ՀՀ դեսպանության կողմից, էստոնացի ընթերցողին հնարավորություն են տալիս ծանոթանալու ինչպես Հայաստանի, այնպես էլ Արցախի հարուստ պատմամշակութային ժառանգությանն ու ճարտարապետությանը, աշխարհագրությանը, պատմության տարբեր դրվագներին, Հայոց ցեղասպանությանն ու հայ գրականությանը։

Ընդհանուր առմամբ, ՀՀ դեսպանությունն Էստոնիայի ազգային գրադարանին վերջին երկու տարիների ընթացքում նվիրաբերել է ավելի քան 50 անուն գիրք։ Նման սերտ համագործակցություն հաստատաված է նաև բալթյան մյուս հանրապետությունների՝ Լիտվայի և Լատվիայի ազգային և համալսարանական գրադարանների հետ ու կրում է պարբերական բնույթ։ Ցուցադրությունը կշարունակվի մինչև մարտի 31-ը։

 





https://zen.yandex.ru/id/5dee07a31e8e3f00ae3051c1

https://www.gov.am/files/docs/3969.pdf
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ