Սարկիսովը և Յուրչենկոն մասնակցել են «Ենիսեյ»-ի ամբողջ խաղին
10:48, 4 Մարտ 2019
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Հայաստանի ֆուտբոլի ազգային թիմի հարձակվող Արթուր Սարկիսովը և ազգային ընտրանու թեկնածու՝ դարպասապահ Դավիդ Յուրչենկոն մասնակցել են «Ենիսեյ»-ի հերթական խաղին:
«Արմենպրես»-ի հաղորդմամբ` Ռուսաստանի ֆուտբոլի առաջնության 17-րդ տուրում «Ենիսեյ»-ը սեփական հարկի տակ հյուրընկալել էր «Ռոստով»-ին: Հանդիպումն ավարտվեց ոչ-ոքի` 1:1 հաշվով:
Հայաստանի ազգային թիմի հարձակվող Արթուր Սարկիսովը «Ենիսեյ»-ի մեկնարկային կազմում էր և մասնակցեց ամբողջ խաղին: Ամբողջ հանդիպմանը մասնակցեց նաև հավաքականի թեկնածու դարպասապահ Դավիդ Յուրչենկոն:
Այս տուրից հետո «Ենսիեյ»-ը 16-րդ տեղում է:
Բաժանորդագրվեք մեր ալիքին Telegram-ում