ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: Ձմեռային դադարից հետո մեկնարկեց ֆուտբոլի Հայաստանի առաջնության բարձրագույն խումբը:

«Արմենպրես»-ի հաղորդմամբ` «Նաիրի» մարզադաշտում Հայաստանի գործող չեմպիոն «Ալաշկերտ»-ը ընդունեց «Փյունիկ»-ին: Արթուր Միրանյանի և Դենիս Տալալաևի գոլերին պատասպանեց միայն Ալեքսանդր Պրուդմիկովը: «Ալաշկերտ»-ը պարտվեց «Փյունիկ»-ին 1:2 հաշվով:

Օրվա երկրորդ խաղում` «Արարատյան դերբում», մրցեցին «Արարատ-Արմենիա»-ն և «Արարատ»-ը: «Արարատ-Արմենիա»-ն հաղթեց 4:1 հաշվով: Ժան-Ժակ Բուգուի դուբլը, Անտոն Կոբյալկոյի և Պետրոս Ավետիսյանի գոլերն օգնեցին «Արարատ-Արմենիա»-ին հաղթել, «Արարատ»-ից հեղինակության գնդակը Արտյոմ Սիմոնյանը:

Առաջնության ևս երկու հանդիպում կկայանա մարտի 3-ին: Գյումրու ակադեմիայի մարզադաշտում «Շիրակ»-ը կմրցի «Լոռի»-ի հետ, իսկ «Փյունիկ»-ի մարզադաշտում միմյանց դեմ ուժերը կչափեն «Արցախ»-ը և «Բանանց»-ը: Հանդիպումների սկիզբը` 14:00-ին: