Պետրոս Ավետիսյանը «Փյունիկ»-ից տեղափոխվել է «Արարատ-Արմենիա»
ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: Երևանի «Փյունիկ» ֆուտբոլային ակումբի ֆուտբոլիստ Պետրոս Ավետիսյանը «Արարատ-Արմենիա» է տեղափոխվել 40 հազար եվրոյի դիմաց:
«Արմենպրես»-ի հաղորդմամբ` լրագրողների հետ զրույցում այս մասին հայտնեց «Փյունիկ» ակումբի սեփականատեր Արթուր Սողոմոնյանը: «Մենք երեք անգամ բարելավեցինք Պետրոս Ավետիսյանի հետ պայմանագիրը, սակայն դա իր որոշումն էր փոխել ակումբային հասցեն: Մեզ համար կարևոր է թիմում ունենալ ֆուտբոլիստներ, ովքեր կուզենան խաղալ մեր ակումբում»,- ասաց Սողոմոնյանը: «Փյունիկ» ակումբի սեփականատիրոջ խոսքով` Ավետիսյանի տրանսֆերը արժեցել է 40 հազար եվրո:
Հայաստանի ֆուտբոլի առաջնության 19-րդ տուրից հետո մրցաշարային աղյուսակի առաջատարը 33 միավորով «Ալաշկերտն» է: Երկրորդ տեղում 29 միավորով «Բանանցն» է: Եռյակը 37 միավորով եզրափակում է «Փյունիկը»: 4-րդ տեղում 26 միավորով «Արարատ-Արմենիան» է: Նրան հաջորդում է «Լոռին»՝ 25 միավորով: 22 միավոր հավաքած Գյումրու «Շիրակը» 6-րդն է: «Գանձասար-Կապանը» նույնպես ունի 22 միավոր: 13 միավորով նախավերջին տեղում «Արարատն» է, իսկ «Արցախն» ունի 12 միավոր:
Այժմ առաջնությունում դադար է: Այն կվերսկսվի մարտի 2-ին:
Բաժանորդագրվեք մեր ալիքին Telegram-ում