Դոնալդ Թրամփը եւ Կիմ Չեն Ունն ավարտեցին բանակցություններն ընդլայնված կազմով
09:51, 28 Փետրվար 2019
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը եւ ԿԺԴՀ-ի առաջնորդ Կիմ Չեն Ունը փետրվարի 28-ին Հանոյում ավարտել են բանակցություններն ընդլայնված կազմով, տեղեկացնում Է «Արմենպրես»-ը՝ հղում անելով ՏԱՍՍ-ին:
Գագաթնաժողովի հիմնական բանակցային մասը տեւել Է ավելի քան երկու ժամ, երկու պետությունների ղեկավարները ներկայում մասնակցում են աշխատանքային ճաշկերույթին, որն ընթանում Է La Club Bar ռեստորանի սրահում:
Երկու երկրների ղեկավարներից բացի, աշխատանքային ճաշկերույթին յուրաքանչյուր կողմից մասնակցում Է հինգական մարդ:
Ինչպես արդեն տեղեկացվել Է, փետրվարի 28-ին Հանոյի Sofitel Legend Metropole հնագույն հյուրանոցում սկսվել Է ԿԺԴՀ-ԱՄՆ գագաթնաժողովի երկրորդ օրը:
Բաժանորդագրվեք մեր ալիքին Telegram-ում