ԿԺԴՀ-ի եւ ԱՄՆ-ի ղեկավարներն ավարտեցին անձնական հանդիպումը եւ նստեցին ընթրիքի սեղանի շուրջ
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: ԿԺԴՀ-ի առաջնորդ Կիմ Չեն Ունը եւ ԱՄՆ-ի նախագահ Դոնալդ Թրամփը ավարտել են դեմառդեմ հանդիպումը, որը շարունակվել Է մոտավորապես 10 րոպե: Դրանից հետո սկսվել Է համատեղ ընթրիքը երկու երկրների ներկայացուցիչների նեղ կազմով: Այդ մասին, ինչպես տեղեկացնում Է «Արմենպրես»-ը, Հանոյի մամուլի կենտրոնից հայտնել Է ՏԱՍՍ-ի թղթակիցը:
Ամերիկյան կողմից ընթրիքին մասնակցում են նաեւ պետքարտուղար Մայք Փոմպեոն, Սպիտակ տան աշխատակազմի ղեկավարի պաշտոնակատար Միք Մալվենին: Կորեական կողմից՝ Կորեայի աշխատանքային կուսակցության կենտկոմի փոխնախագահ Կիմ Յոն Չհոլը, արտաքին գործերի նախարար Լի Յոն Հոն: Ընթրիքին ներկա չԷ Կիմ Չեն Ունի հարազատ քույրը, որին համարում են նրա մերձավոր խորհրդականներից մեկը:
Ինչպես սպասվում Է, ընթրիքը կտեւի գրեթե երկու ժամ:
Բաժանորդագրվեք մեր ալիքին Telegram-ում