«Օսկար»-ի հեռուստավարկանիշն աճել Է չորս տարվա ընթացքում առաջին անգամ. Bloomberg
ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: «Օսկար» մրցանակի հանձնման արարողության հեռուստատեսային վարկանիշն աճել Է 2018 թվականին մրցանակաբաշխության հեռարձակման վատագույն ցուցանիշից հետո: Այդ մասին, ինչպես տեղեկացնում Է «Արմենպրես»-ը, հայտնել Է Bloomberg գործակալությունը:
ԱՄՆ-ի կինոակադեմիայի պարգեւների հանձնման կիրակնօրյա հեռարձակման լսարանը 2018 թվականի համեմատությամբ աճել Է 12 տոկոսով:
Ընդ որում՝ նշվում Է, որ վերջին «Օսկար»-ը նախորդներից ավելի կարճ Է տեւել հաղորդավարի բացակայության պատճառով: Ինչպես նշում Է The Hollywood Reporter հրատարակությունը, կիրակնօրյա հեռարձակումը տեւել Է 3 ժամ 13 րոպե եւ 41 րոպեով պակաս Էր, քան 2018 թվականին: ABC հեռուստառադիոընկերության տվյալներով՝ մրցանակաբաշխությունը դիտել Է 29,6 մլն մարդ՝ մեկ տարի առաջվա 26,5 միլիոնի համեմատությամբ:
Ինչպես նշում Է գործակալությունը, վարկանիշի բարձրացումը հեռուստատեսության հազվադեպ հաջողություններից մեկն Է ինդուստրիայի ընդհանուր ճգնաժամի ֆոնին: Նույնիսկ այնպիսի աղմկալի իրադարձություններ, ինչպիսին Super Bowl-ներն են, շարունակում են կորցնել լսարանը: 2014 թվականից սկսած՝ «Օսկար»-ների հեռուստալսարանը մշտապես նվազում Էր:
«Օսկար» կինոմրցանակի հանձնման արարությունը 91-րդ անգամ փետրվարի 24-ին անցկացվել Է Լոս Անջելեսում: Պարգեւների թվով առաջատարը դարձել Է ռեժիսոր Բրայան Սինգերի «Բոհեմական ռապսոդիան». այն նվաճել Է չորս ոսկե արձանիկ: «Երեքական «Օսկար» են ստացել ռեժիսոր Ալֆոնսո Քուարոնի «Ռոմա» եւ Ռայան Քուգլերի «Սեւ հովազ» եւ Փիթեր Ֆարելիի «Կանաչ գիրքը ֆիլմերը: Վերջին կինոնկարը շահել Է գլխավոր «Օսկար»-ը՝ «Լավագույն ֆիլմ» անվանակարգում, ինչպես նաեւ պարգեւ Է ստացել օրիգինալ սցենարի համար, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում