«Արարատ»-ը ցանկանում է վարձակալել «Ֆեներբախչե»-ի շվեյցարացի հարձակվողին
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Երևանի «Արարատ» ֆուտբոլային ակումբը հետաքրքված է թուրքական «Ֆեներբահչե» ակումբի շվեյցարացի հարձակվող Միխաել Ֆրեյի ծառայություններով։ Ինչպես փոխանցում է «Արմենպրես»-ը, այդ մասին հաղորդում է Haber7-ը:
Ըստ թուրքական աղբյուրի՝ հայկական ակումբը «Ֆեներբախչե»-ին առաջարկել է 1.5 տարով վարձակալել շվեյցարացի ֆուտբոլիստին։
Նշվում է, որ Ֆրեյի ձեռքբերմամբ «Արարատ»-ը ցանկանում է ուժեղացնել իր հարձակման գիծը, քանի որ երևանյան ակումբը Հայաստանի առաջնությունում ամենաքիչ գոլ խփած ակումբն է։ «Արարատ»-ը 17 խաղում խփել է ընդամենը 11 գոլ և զբաղեցնում է վերջին հորիզոնականը։
Ermenihaber.am-ը փորձել է կապ հաստատել «Արարատ» ակումբի հետ՝ պարզելու թուրքական լրատվամիջոցի հրապարակած տեղեկության իսկությունը: Այն հարցին, թե արդյոք թուրքական մամուլում հայտնված տեղեկատվությունը համապատասխանում է իրականությանը, «Արարատ» ակումբից պատասխանել են.
«Փորձարկվող և բանակցությունների մեջ գտնվող ֆուտբոլիստների մասին տեղեկատվություն չենք տրամադրում: Դա կանենք միայն ֆուտբոլիստի հետ պայմանագիր կնքելուց հետո»։
Բաժանորդագրվեք մեր ալիքին Telegram-ում