Ուկրաինայի հակամարտության կարգավորումը մնում Է ԵԱՀԿ-ի գլխավոր գերակայությունը. գլխավոր քարտուղար
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Ուկրաինայի արեւելքում հակամարտության խաղաղ կարգավորումը մնում Է ԵԱՀԿ-ի գլխավոր գերակայությունը: Այդ մասին, ինչպես տեղեկացնում Է «Արմենպրես»-ը, փետրվարի 21-ին հայտարարել Է կազմակերպության գլխավոր քարտուղար Թոմաս Գրեմինգերը:
«Ուկրաինայի հակամարտության կարգավորումը մնում Է ԵԱՀԿ-ի գլխավոր գերակայությունը: ԵԱՀԿ-ն շարունակում Է օժանդակել ապաԷսկալացմանը տեղերում եւ պաշտպանում Է հակամարտությունից խաղաղ դուրս գալուն ուղղված ջանքերը»,- ասել Է Գրեմինգերը՝ ելույթ ունենալով ԵԱՀԿ-ի խորհրդարանական վեհաժողովի ձմեռային նստաշրջանում, որը փետրվարի 21-22-ին անցկացվում Է Վիեննայում:
Նա նշել Է, որ անհանգստացած Է կողմերի միջեւ աճող անվստահությունից, որն սպառնալիքի տակ Է դնում Մինսկի համաձայնությունների իրականացումը, որոնք «շարունակում են մնալ խաղաղության տանող՝ այսօրվա դրությամբ լավագույն եւ փաստորեն միակ ճանապարհը»:
«Ազովի ծովի եւ Կերչի նեղուցի շուրջ տիրող լարվածությունը խորապես անհանգստացնում Է մեզ»,-հավելել Է կազմակերպության գլխավոր քարտուղարը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում