Դավիթ Սանասարյանը պարզաբանեց, թե ինչու Ուրցաձոր համայնքում ՊՎԾ-ն ստուգումներ չի սկսել
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Պետական վերահսկողական ծառայության պետ Դավիթ Սանասարյանը շնորհավորեց Արարատի մարզի Ուրցաձոր համայնքում ընտրությունների արդյունքում հաղթանակ տարած Ռաֆիկ Անդրեասյանին, ապա հիշեցրեց, որ ավելի վաղ այցելել էր նշված համայնք՝ ականջալուր լինելով Անդրեասյանի դեմ համայնքի բնակիչների դժգոհություններին։ «Մենք այդպես էլ ընթացք չտվեցինք ստուգումներին, քանի որ նման անհրաժեշտություն չտեսանք։ Ուսումնասիրություն ուղղակի չսկսեցինք, գնահատեցինք, որ այս փուլում ռեսուրսն ավելի լուրջ գործերի վրա կարելի է ծախսել», - «Արմենպրես»-ի փոխանցմամբ, ասաց նա։
Ռաֆիկ Անդրեասյանը, ով ընդամենն ամիսներ առաջ համագյուղացիների բողոքի ցույցերից հետո համայնքապետի պաշտոնից հրաժարական էր ներկայացրել, փետրվարի 17-ի ՏԻՄ ընտրություններում կրկին ընտրվել է համայնքի ղեկավար:
Բաժանորդագրվեք մեր ալիքին Telegram-ում