Ժամանակը Երևանում՝ 11:07:36,   20 Մարտ

Թրամփը Նոբելյան մրցանակի արժանի կլինի, եթե ԿԺԴՀ-ն միջուկազերծվի. Ճապոնիայի ԱԳՆ


ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփն արժանի կլինի խաղաղության Նոբելյան մրցանակի, եթե ԿԺԴՀ-ն միջուկազերծման գործընթաց իրականացնի եւ ոչնչացնի բալիստիկ հրթիռները: Փետրվարի 19-ին այս կարծիքն Է հայտնել Ճապոնիայի արտաքին գործերի նախարար Տարո Կոնոն Տոկիոյում կայացած մամուլի ասուլիսում, տեղեկացնում Է «Արմենպրես»-ը:

«Եթե Հյուսիսային Կորեան միջակազերծում իրականացնի, ինչպես նաեւ ազատվի բալիստիկ հրթիռներից, ապա նախագահ Թրամփն արժանի կլինի Նոբելյան մրցանակի»,- ասել Է նա:

Դրա հետ մեկետեղ Կոնոն արձանագրել Է, որ Կորեական թերակղզու միջուկազերծման գործընթացն «առայժմ առաջ չի գնում»:

Փետրվարի 15-ին Թրամփը հայտնել Է, որ Ճապոնիայի վարչապետ Սինձո Աբեն իրեն խաղաղության Նոբելյան մրցանակի Է առաջադրել, հաղորդել Է ՏԱՍՍ-ը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ