ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: ԱՄՆ-ի եւ Չինաստանի առեւտրական բանակցությունների նոր փուլը տեղի կունենա փետրվարի 21-22-ին Վաշինգտոնում: Այդ մասին, ինչպես տեղեկացնում Է «Արմենպրես»-ը, հայտնել Է ՉԺՀ-ի առեւտրի նախարարությունը:

Նշվում Է, որ ամերիկյան կողմի հրավերով ՉԺՀ-ի Պետխորհրդի փոխվարչապետ Լյու Հեն փետրվարի 21-22-ին այցով կգտնվի Վաշինգտոնում՝ մասնակցելու առեւտրական հարցերի շուրջ ամերիկա-չինական բանակցությունների յոթերորդ փուլին: Ամերիկյան կողմից բանակցորդները, ինչպես եւ առաջ, կլինեն ԱՄՆ-ի ֆինանսների նախարար Սթիվեն Մնուչինը եւ ԱՄՆ-ի առեւտրական ներկայացուցիչ Ռոբերտ Լայթհայզերը: Նաեւ նշվում Է, որ Լյու Հեն ԱՄՆ- Է ուղեւրորվում որպես ՉԺՀ-ի նախագահ Սի Ցզինպինի հատուկ դեսպանորդ: Բարձր մակարդակով ամերիկա-չինական առեւտրական բանակցությունների նախորդ փուլը տեղի Է ունեցել փետրվարի 14-15-ին Պեկինում: Ինչպես բանակցությունների արդյունքների վերաբերյալ հայտնել Է Սպիտակ տունը, «հանգամանալի եւ ինտենսիվ բանակցությունները բերել են առաջընթացի, բայց դեռեւս մեծ ծավալի աշխատանք կա անելու», հաղորդել Է ՌԻԱ Նովոստի գործակալությունը: