«Բանանցը» վերջին մարզումն է անցկացրել Անթալիայում
15:53, 18 Փետրվար 2019
ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: Երևանի «Բանանց» ֆուտբոլային ակումբն ավարտում է ուսումնամարզական հավաքը:
«Արմենպրես»-ի հաղորդմամբ` վերջին օրը թիմը մարզում անցկացրեց ծովափին: Մարզման ավարտին թիմը բաժանվեց 4 խմբի, որոնք մրցեցին միմյանց դեմ թենիսբոլում: Հաղթող թիմում խաղում էին Արամ Բարեղամյանը, Հակոբ Հակոբյանը, Անդրանիկ Ոսկանյանը, Բորիսլավ Յովանովիչը և Ալեքսանդր Գլիսիչը: Նրանց հաջողվեց շրջանցել բոլոր մրցակիցներին:
Փետրվարի 18-ի երեկոյան թիմը կվերադառնա Երևան: Մինչև մրցաշրջանի մեկնարկը նախատեսված են ևս մի քանի ընկերական հանդիպումներ:
Բաժանորդագրվեք մեր ալիքին Telegram-ում