ԵԱՀԿ-ի նախագահը նշել Է Ռուսաստանի դեմ պատժամիջոցների վերանայման պայմանը
ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: Ռուսաստանի նկատմամբ Եվրամիության պատժամիջոցների վերանայման անհրաժեշտ պայմանը Դոնբասի վերաբերյալ Մինսկի համաձայնագրերի ամբողջական կատարումն Է: Այդ մասին, ինչպես տեղեկացնում Է «Արմենպրես»-ը, հայտարարել Է ԵԱՀԿ-ի գործող նախագահ, Սլովակիայի արտաքին գործերի նախարար Միրոսլավ Լայչակը ՌԻԱ Նովոստիի հետ հարցազրույցում, որը նա տվել Է փետրվարի 19-ին Մոսկվա իր այցի նախօրյակին:
«Պատժամիջոցներ սահմանելով Ռուսաստանի դեմ եւ դրանք կապակցելով Մինսկի համաձայնագրերի ամբողջական կատարման հետ, ԵՄ-ն հակազդել Է Ղրիմի բռնակցմանը եւ ՈՒկրաինայի հարավ-արեւելքի իրադրության ապակայունացմանը: ԵՄ-ի պատժամիջոցների նպատակը իրադրության կարգավորումն Է»,-ասել Է Լայչեկը: «Ցավոք, առկա հանգամանքները դեռեւս այն բանի հիմքեր չեն տալիս, որ ԵՄ-ում մտածեն պատժամիջոցների քաղաքականության վերագնահատման մասին: Սլովակիան, վերը ասվածի հաշվառմամբ, համաձայնել Է ՌԴ-ի դեմ պատժամիջոցների սահմանման կոնսենսուսին: Մինսկի համաձայնագրերի ամբողջական կատարումը անհրաժեշտ պայմանն Է ԵՄ-ի պատժամիջոցների վերանայման համար»,-ընդգծել Է ԵԱՀԿ-ի գործող նախագահը:
Բաժանորդագրվեք մեր ալիքին Telegram-ում