Էրդողանը կրկին խոսել է Ռուսաստանից C-400 գնելու մտադրության մասին
17:37, 16 Փետրվար 2019
ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը հաստատել է, որ Անկարան մտադիր չէ հրաժարվել Ռուսաստանից զենիթահրթիռային C-400 համալիր գնելուց: «Արմենպրես»-ի փոխանցմամբ` այս մասին հայտնում է ՏԱՍՍ-ը, հղում անելով Hürriyet Daily News պարբերականին:
Թուրքիայի առաջնորդն այսպիսի հայտարարություն է արել փետրվարի 16-ին լրագրողների հետ զրույցում:
«Մենք Ռուսաստանից C-400 գնելու համաձայնություն ենք ձեռք բերել: Դրանից հրաժարվել մենք չենք պատրաստվում: Մենք աշխատում ենք այն ուղղությամբ, որ C-400-ների ներկրումը տեղի ունենա մինչև հուլիս, ինչպես մեզ խոստացել են»,- ասել է Էրդողանը:
Ինչպես հայտնում է Yeni Şafak պարբերականը, Էրդողանը հավելել է, որ Թուրքիան հետաքրքրված է նաև նոր C-500 համալիրներով:
Բաժանորդագրվեք մեր ալիքին Telegram-ում