Երևանում՝ 11:07,   19 Մարտ 2024

Ոստիկանները բերման են ենթարկել Արմավիրի մարզի գյուղերում առերևույթ տասնյակ գողություններ կատարած անձին

Ոստիկանները բերման են ենթարկել Արմավիրի մարզի գյուղերում առերևույթ տասնյակ 
գողություններ կատարած անձին

ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: Ոստիկանության Վաղարշապատի բաժնում Աղավնատուն գյուղի բնակիչը հաղորդում էր տվել, որ ավտոտնակից գողացել են աշխատանքային գործիքներ և էլեկտրական սարքեր: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից, դեպքի վայր մեկնած ոստիկանները պարզեցին, որ ավտոտնակի դարպասը բացել են տեխնիկական միջոցների գործադրմամբ։ Պոկել էին կախովի կողպեքն ու անարգել ներս մտել:
Դեռ 2018 թվականի ապրիլ-մայիսից սկսած՝ Վաղարշապատի ոստիկանությունում, Աղավնատուն գյուղի տարածքում գողության վերաբերյալ ահազանգեր էին ստացվել։

Մի քանի անգամ գողացել էին էլեկտրասնուցման ենթակայաններից բջջային օպերատորների ծածկույթն ապահովող աշտարակների թանկարժեք մալուխներ։ Հենց ենթակայանից պարզապես կտրել ու տարել էին տարբեր երկարության մալուխ՝ մի անգամ 10 մետր, մի անգամ՝ 40, մեկ ուրիշ անգամ 100 մետր և այլն:
Ոստիկանությունում ստացվել էին նաև Աղավնատան առանձնատներից կատարված գողությունների վերաբերյալ ահազանգեր։ Մաթևոսյան փողոցի 24-րդ տնից, տարբեր ժամանակահատվածներում գողացել էին սառնարան, լվացքի մեքենա, գազային ջրատաքացուցիչ և կենցաղային այլ իրեր:
Գյուղի Երիտասարդական 3-րդ փողոցի տներից մեկի օժանդակ շինության մուտքի դռան կախովի կողպեքը կոտրել էին, մտել ներս ու գողացել շուրջ 500 հազար դրամի հաստոցներ, եռաֆազ հոսանքի հաշվիչ ու երկու պոմպ:
Գողության բոլոր դեպքերով հարուցվել էին քրեական գործեր:
Վաղարշապատի քրեական հետախույզների ձեռնարկած միջոցառումների արդյունքում պարբերաբար օպերատիվ տեղեկություններ էին ստացվում հանցագործությունները կատարած հնարավոր անձանց վերաբերյալ։ Հետևողականորեն ուսումնասիրվում էին բոլոր վարկածները:
Ի վերջո, փետրվարի 7-ին, արդեն անհերքելի փաստերով զինված, քրեական հետախույզները գողություն կատարելու կասկածանքով, բաժին բերման են ենթարկել Աղավնաձոր գյուղի մի բնակչի, որի անձնական տվյալները, նախաքննության շահերից ելնելով, չի ներկայացվում։ 
Բացատրական աշխատանքների արդյունքում, նա ոստիկաններին հայտնել է, որ նախկինում կատարել է մի շարք գողություններ Արմավիրի մարզի Ծիածան, Արշալույս, Խորոնք, Ամբերդ և այլ համայնքներից:
Վաղարշապատի ոստիկանների ջանքերով հայտնաբերվել է գողոնի մի մասը:
Քննությունը շարունակվում է:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]