Հոլանդիայի իշխանությունները մերժում են իրենց դպրոցներում թուրքերենի դասավանդման Թուրքիայի ծրագիրը
19:39, 15 Փետրվար 2019
ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Հոլանդիայի իշխանությունները մերժել են իրենց դպրոցներում «Արտասահմանում բնակվող թուրքերը և ազգակից հասարակություններ» կազմակերպության կողմից իրենց դպրոցներում շաբաթական 1 թուրքերենի և թուրքական մշակույթի դաս անցկացնելու ծրագիրը:
Այս մասին, ինչպես հաղորդում է «Արմենպրես»-ը, հայտնում են թուրքական ԶԼՄ-ները:
Հոլանդիայի կառավարությունն այդ ծրագրին դեմ լինելը հիմնավորել է նրանով, որ այդ դասընթացները կարող են խոչնդոտել Հոլանդիայի թուրքական համայնքի հոլանդական հասարակության ինտեգրմանը:
Բաժանորդագրվեք մեր ալիքին Telegram-ում