Լուկաշենկոն Պուտինի հետ քննարկել է ՌԴ-ի եւ Բելառուսի հարաբերությունները նախագահների փոխվելուց հետո
ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Նախագահներ Վլադիմիր Պուտինը եւ Ալեքսանդր Լուկաշենկոն քննարկել են Ռուսաստանի եւ Բելառուսի ոչ միայն այսօրվա հարաբերությունները, այլեւ դրանց ապագա զարգացման համատեքստում, այդ թվում՝ պետությունների ղեկավարների փոխվելուց հետո: Այդ մասին լրագրողներին հայտնել Է Բելառուսի ղեկավարը՝ ամփոփելով փետրվարի 13-ից մինչեւ 15-ը կայացած զրույցների մի քանի փուլերի արդյունքները, տեղեկացնում Է «Արմենպրես»-ը:
«Մենք անկեղծորեն միմյանց ասում ենք, որ մենք հավերժ չենք, որ ինչ-որ ժամանակ հեռանալու ենք: Իսկ ի՞նչ ենք թողնելու մեր երեխաներին: Նրանք ինչպե՞ս կշարունակեն մեր քաղաքականությունը: Դա նույնպես մեզ՝ որպես քաղաքական գորիչների, չի կարող չանհանգստացնել»,- ասել Է նա:
Ինքնիշխանության հարցը ռուս-բելառուսական բանակցություններում նույնիսկ չի քննարկվում, կան երկու առանձին պետություններ, ասել Է Լուկաշենկոն: «Դե մենք ինչու՞ արծարծենք Ռուսաստանի եւ Բելառուսի ինքնիշխանության հարցերը: Դա սրբապատկեր Է, սրբություն»,- նշել Է Բելառուսի ղեկավարը: Ըստ որում նա հայտարարել Է, որ ՌԴ-ն եւ Բելառուսը պատրաստ են միավորվել, եթե դրան պատրաստ են նրանց ժողովուրդները, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում