Փաշինյանը Հայաստանի հանրության կողմից ընկալված է համարում կառավարության տնտեսական հեղափոխության բանաձևը
ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Կառավարության տնտեսական հեղափոխության բանաձևը Հայաստանի հանրության կողմից ընկալված է: Այդ մասին կառավարության նիստում հայտարարեց ՀՀ վարչապետ Նիկոլ Փաշինյանը՝ ավելացնելով, որ կառավարությունը պետք է ընդունի կառավարության ծրագրից բխող միջոցառումների ցանկը, սակայն այդ ցանկը պետք է տարանջատվի հեղափոխությունը խթանող միջոցառումների ցանկից:
«Արմենպրես»-ի փոխանցմամբ՝ Նիկոլ Փաշինյանը հանձնարարեց՝ վերանայել բոլոր ներդրումային առաջարկները, գույքագրել դրանք, բացահայտել ներդրումների համար առկա խնդիրները, կենտրոնացնել տեղեկատվությունը տնտեսական ներդրումների և զարգացման նախարարությունում:
Նա հանձնարարեց նաև կարգավորումների պարզեցման քարտեզ կազմել, ջրի, գազի հասանելիության հարցը լուծել, ներդրումային հայկական հիմնադրամի ստեղծման աշխատանքը արագացնել:
Անդրադառնալով սեզոնային աշխատանքի ժամանակաշրջանին՝ նա ասաց, որ աշխատելու դեպքում չպետք է մարդկանց զրկել ընտանեկան և սոցիալական նպաստից։
«Մեծ թափով սկսել վերամասնագիտական ուսումնական կենտրոնների ստեղծումը, ակտիվացնել և զարգացնել այն բոլոր ուսումնական կենտրոնները, որոնց նպատակը մարդկանց բիզնես հմտություններ սովորեցնելն է»,- «Արմենպրես»-ի փոխանցմամբ, հանձնարարեց վարչապետը:
Գյուղատնտեսության ոլորտին ուղղված հանձնարարականներ ներկայացրեց՝ նշելով, որ կաթիլային ոռոգման, գյուղատնտեսական նոր տեխնոլոգիաների ներդրման աշխատանքը ավելի արդյունավետ լինի:
Բաժանորդագրվեք մեր ալիքին Telegram-ում