ԵԽ երկրների թվում Թուրքիան ազատազրկված լրագրողների թվով առաջատարն է
18:29, 13 Փետրվար 2019
ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Եվրոպայի խորհրդի անդամ հանդիսացող երկրներում ազատազրկված լրագրողների ընդհանուր թիվը հասնում է 130-ի:
Այս մասին, ինչպես հաղորդում է «Արմենպրես»-ը, հայտնում են թուրքական ԶԼՄ-ները:
ԵԽ-ի մամուլի ազատության վերաբերյալ զեկույցի համաձայն` այդ 130 ազատազրկված լրագրողներից միայն 110-ը բաժին են ընկնում Թուրքիային:
Զեկույցում առկա տեղեկության համաձայն` միայն 2016թ. հուլիսի 15-ին տեղի ունեցած ռազմական հեղաշրջման փորձից մինչև հիմա Թուրքիայում ձերբակալվել է 200 լրագրող, որոնցից 110-ը դեռևս գտնվում են ազատազրկման մեջ:
Բաժանորդագրվեք մեր ալիքին Telegram-ում