Արսեն Թորոսյանը հանդիպել է ՀՀ-ում ԵՄ պատվիրակության ղեկավարի հետ
ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Կայացել է հերթական աշխատանքային հանդիպումը ՀՀ առողջապահության նախարար Արսեն Թորոսյանի և Հայաստանում Եվրոպական միության (ԵՄ) պատվիրակության ղեկավար, դեսպան Պյոտր Սվիտալսկու հետ:
Ինչպես «Արմենպրես»-ին տեղեկացրին ՀՀ առողջապահության նախարարությունից, կողմերը քննարկել են առողջապահության բնագավառում Եվրամիության հետ համատեղ ծրագրերը և դրանց զարգացմանն ուղղված հետագա քայլերը: Ծրագրերն ընգրկում են` ջրի որակի և պաշարների կառավարման, ոչ վարակիչ հիվանդությունների կանխարգելման և դրանց նկատմամբ հսկողության, էլեկտրոնային առողջապահության և այլ կարևոր հարցեր:
Նախարար Արսեն Թորոսյանը շնորհակալություն է հայտնել բաց և անկեղծ համագործակցության համար և հույս հայտնել, որ երկկողմ գործակցությունը նոր թափ կստանա:
ԵՄ դեսպանը շեշտել է, որ առողջապահության համակարգը շատ կարևոր է Հայաստանի համար և նշել, որ Եվրոպական միությունը պատրաստ է կիսվել իր փորձով:
Երկուստեք պայմանավորվածություններ են ձեռք բերվել ավելի սերտացնելու հարաբերությունները առողջապահության ոլորտում:
Բաժանորդագրվեք մեր ալիքին Telegram-ում