Եվրահանձնաժողովում նշել են Brexit-ի ամսաթիվը տեղափոխելու հնարավորությունը
ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Եվրամիության կազմից Մեծ Բրիտանիայի դուրս գալու ամսաթիվը մարտի 29-ից ավելի ուշ ժամկետ տեղափոխելու հնարավորություն գոյություն ունի, սակայն Լոնդոնից համապատասխան խնդրագիր առայժմ չի ստացվել: Այդ մասին, ինչպես տեղեկացնում Է «Արմենպրես»-ը, փետրվարի 13-ին Բրյուսելում կայացած մամուլի ասուլիսում հայտարարել Է Եվրահանձնաժողովի (ԵՀ) պաշտոնական ներկայացուցիչ Մարգարիտիս Սհինասը:
«Մենք Մեծ Բրիտանիայից ժամկետի երկարացման վերաբերյալ խնդրագիր չենք ստացել: Բայց նման հնարավորությունը նախատեսված Է (Լիսաբոնի պայմանագրի) 50-րդ հոդվածով»,-ասել Է նա: Սհինասը հերթական անգամ ընդգծել Է, որ Brexit-ի ամսաթիվը տեղափոխելու համար հարկավոր են Լոնդոնի խնդրագիրը եւ Եվրամիության անդամ բոլոր 27 երկրների համաձայնությունը: Լրագրողների այն հարցին, թե առավելագույնն ինչ ժամկետով կարող Է տեղափոխվել Brexit-ը, ԵՀ-ի ներկայացուցիչը հայտարարել Է, որ մտադիր չԷ շահարկել այդ թեման, քանի որ ներկայում ոչ մի խնդրագիր չկա, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում